ҮЙЛ ЯВДАЛ: ЕРӨНХИЙ САЙД БИЗНЕС ЭРХЛЭГЧИДТЭЙ УУЛЗАНА

Өнөөдөр болох үйл явдлууд...

09:30 цагт: Улаанбаатар хотын хог хаягдлыг боловсруулж цахилгаан станц барих асуудлаар Монгол Хятадын эрдэмтэд хэлэлцүүлэг хийнэ. ШУА-ийн байранд.

09:30 цагт: Цагдаагийн ерөнхий газраас нийслэлийн иргэний танхимд 500 гар утасны чэнжүүдтэй хийх уулзалт зохион байгуулна.

09:30 цагт: Ерөнхий сайд У.Хүрэлсүх, Сангийн сайд Ч.Хүрэлбаатар нар бизнес эрхлэгчидтэй уулзаж, Татварын 3 хуульд өөрчлөлт орж байгаа асуудлаар санал солилцоно. Хэлэлцүүлэг МҮХАҮТ-ын Их танхимд болно.

10:00 цагт: Сүхбаатар дүүргийн Засаг даргын Тамгын газраас Олон улсын эмэгтэйчүүдийн эрхийг хамгаалах өдрийг угтан олон хүүхэд төрүүлж өсгөсөн Алдарт эхийн нэг, хоёрдугаар одонтой ээжүүддээ хүндэтгэл үзүүлэх үйл ажиллагааг Соёлын төв өргөөнд зохион байгуулна.

11:00 цагт: БОАЖЯ-ны хоёрдугаар давхарт цаг үеийн асуудлаар хэвлэлийн бага хуралтай.

11:30 цагт: "Зууны мэдээ" сонины Үндэсний мэдээллийн төвд "Гэр хорооллыг хөгжүүлэх хөдөлгөөн"-өөс Гэр хорооллын иргэдийн гуравдугаар чуулга уулзалт болон 2018.3.9-нд "Эсэргүүцэж байна" цуглаан зохион байгуулах талаар мэдээлэл хийнэ.

13:00 цагт: ХНХЯ, ГБХЗХГ-аас санаачлан хоёр дахь жилдээ зохион байгуулж буй "Ирээдүйн эзэд" мэргэжил сонголтын аяны нээлт Отгонтэнгэр их сургуулийн спорт зааланд болно.

13:00 цагт: АН, МАН-ын нэрээр халхавчлан ард иргэдийг хууран мэхлэх арга замаар төрийн эрх мэдэлд гарч ирсэн эрх мэдэлтнүүдийг шалгуулахаар хуулийн байгууллагад өгөх талаар Live conference center-т хэвлэлийн бага хурал зарлалаа.