МОНГОЛД ЭМЧЛЭГДЭХ БОЛОМЖГҮЙ 32 ӨВЧНИЙ ТООГ ДАХИН БУУРУУЛНА

-Нарийн мэргэжлийн эмч нар Япон, Солонгос, Орос, Энэтхэгт суралцана-

Монгол Улсад эмчлэх боломжгүй, гадаадад эмчлэгдэх боломжтой 33 нэр төрлийн өвчний жагсаалт байдаг. Энэ жагсаалтыг манай улс 2015 онд шинэчлэн баталсан билээ. Учир нь тус жагсаалтад орсон нийт өвчний дотроос гурван өвчнийг Монголд эмчлэх боломжтой болсон. Мөн эмчлэх боломжтой болсон өвчнүүдийг хасаад, сүүлийн үед манай улсад нэмэгдэх хандлагатай болсон зургаан төрлийн өвчнийг нэмээд нийт 39 болгож шинээр баталсан байдаг. Тэгвэл анагаах ухааны салбар, техник технологи хөгжихийн хэрээр эх орондоо чанартай эмчилгээ оношилгоог бүрэн авдаг болох, гадаадад эмчилгээнд явах урсгалыг багасгах зорилгоор нийт 39 өвчнөөс долоог нь 2017 онд эх орондоо эмчилдэг болсон. Харин энэ онд дээрх 32 өвчний тоог дахин бууруулж, Монголд эмчлэх боломжтой эмчилгээ, үйлчилгээг нэмэх зорилгоор дахин нарийн мэргэжлийн эмч нарын багийг Япон, БНСУ, ОХУ, АНУ, БНЭУ-т сургахаар төлөвлөжээ.

Эх сурвалж: Зууны мэдээ сонин