ХУУЛЬ ЗҮЙН ЗӨВЛӨГӨӨ ӨГӨХ ӨДӨРЛӨГ БОЛГОН ТЭМДЭГЛЭЛЭЭ

Жил бүрийн 12 дугаар сарын 10-ний өдрийг "Хүний эрхийн олон улсын өдөр" болгон дэлхий нийтээр тэмдэглэж өдгөө 70 дахь жилтэйгээ золгож байна.

Хүний эрхийн түгээмэл тунхаглал батлагдсаны 70 жилийн ойн хүрээнд Архангай аймгийн Засаг даргын тамгын газар, Архангай аймгийн Хүний эрхийн үндэсний комисс, Шүүхийн шийдвэр гүйцэтгэх газар, Татварын хэлтэс, Өмгөөлөгчдын холбоо, Эмнэсти интернэшнл, Төгс таван мэдрэмж ТББ хамтран Хасу худалдааны төвд "Иргэдэд хууль зүйн зөвлөгөө үнэ төлбөргүй өгөх нээлттэй өдөрлөг" зохион байгууллаа. Өдөрлөгийн хүрээнд иргэдэд бүх төрлийн хууль зүйн зөвлөгөө өгөхөөс гадна дээрх байгууллагууд өөрсдийн үйл ажиллагааны чиглэлээ танилцуулж, мэдээллээр ханган, арга зүйн зөвлөгөө өгсөн юм.

Синх: С.Мөнгөнзаяа /Архангай аймаг дахь Хүний эрхийн үндэсний комиссын мэргэжилтэн/

Синх: Ж.Вандансүрэн /Архангай аймгийн Улсын бүртгэлийн хэлтэсийн хяналтын улсын байцаагч/

Синх: Ж.Должинсүрэн /Архангай аймгийн Ихтамир сумын 5р багийн иргэн/

Архангай аймгийн хувьд Хүний эрхийн олон улсын өдрийг жил бүр тэмдэглэдэг ба 70 жилийн ойн хүрээнд Иргэдэд хууль зүйн зөвлөгөө үнэ төлбөргүй өгөх нээлттэй өдөрлөгийг тэмдэглэж буйгаас гадна Хөгжлийн бэрхшээлтэй хүүхдүүдийн сурч боловсрох эрх, Сургуулийн орчинд хүүхдийн эрхийн зөрчил, хүчирхийлэл зэрэг өргөн цар хүрээг хамарсан үйл ажиллагааг зохион байгуулахаар төлөвлөж байна.

Хүний эрх эрх чөлөөг дээдлэн сахих нь бүх нийтийн аюулгй байдал энх тайвны үндэс болохыг тунхаглаж, Нэгдсэн үндэсний Ассамблейгаас Хүний эрхийн Түгээмэл тунхаглалыг 1948 оны 12 дугаар сарын 10-ний өдөр батлан гаргасан билээ.