ЭНЭ ЗАЛУУ ЯАГААД ӨДӨРТ 20 ЛИТР УС УУДАГ ВЭ?

Германы архитектор Марк Вюббенхорст маш ховорд тооцогдох бодисын солилцооны эмгэгтэй тул өдөрт 20 литр ус уудаг байна. Түүнд байнга цангах мэдрэмж төрдөг бөгөөд уусан усныхаа хэмжээгээр олон удаа бие засдаг гэнэ.

Хэрвээ усаа уухгүй бол хатаж үхэх аюултай.

Түүнд уруул хатах, толгой эргэх, ухаан балартах зэрэг зовиур илэрдэг тул ус уухгүй ганцхан цаг тэвчиж чадна. Харин энгийн хүн 2-3 хоног усгүй байхад ийм шинж тэмдэг илэрдэг байна. Энэ байдлаас шалтгаалан Марк спортоор хичээллэх, холын аялалд гарах ямар ч боломжгүй болжээ.

Нэг удаа ажлаасаа оройтож гарахдаа усаа авахаа мартчихжээ. Замд нь галт тэрэг эвдэрч, зогсоолын ажилтнуудад өвчнийхөө талаар тайлбарлахад хэн ч ойлгоогүй гэнэ. Азаар найзуудтайгаа таарч амь аврагдсан байна.

Эрэгтэй хүн өдөрт дунджаар гурван литр ус буюу 13 аяга шингэн, харин эмэгтэй хүн 2,2 литр буюу есөн аяга ус уух шаардлагатайг судалгаагаар тогтоожээ. Гэхдээ хувь хүний эрүүл мэнд, амьдарч буй орчин, эрхэлж буй ажлаас хамаарч харилцан адилгүй байдаг ажээ. Хүнд шингэн дутагдвал давс, усны тэнцвэрийг алдагдуулахаас гадна хүндэрсэн тохиолдолд амь насанд ч аюул учруулдаг