НАЙЗ ЗАЛУУДАА ТААЛАГДАХ ГЭЖ 30 УДАА ХАГАЛГАА ХИЙЛГЭЖЭЭ

Хонконгийн иргэн, 22 настай Берри НГ охид бүсгүйчүүдэд сургамж болгох үүднээс өөрийн амьдралын гашуун түүхээ хуваалцжээ. Тэрээр 17 настайгаасаа эхлэн тасралтгүй гоо сайхны хагалгаа хийлгэж, Барууны супер моделиудыг дууриах болсон байна. Анх нэгэн гоо сайхны төвд 799 хонконг долларын (102 ам.доллар) хөнгөлөлттэйгөөр гурван тарилга хийлгэснээс хойш өөрийн мэдэлгүй донтож, байн байн үйлчлүүлж эхэлжээ. Хэд хэдэн удаагийн курс эмчилгээний дараа гоо сайханчид түүнд илүү үнэтэй үйлчилгээ санал болгох болсон байна.

Берри НГ хоёр жилийн өмнөөс өөрөөсөө 9 насаар ах залуутай хайр сэтгэлийн холбоотой болжээ. Найз залуу нь байнга түүний гадаад үзэмжийг шүүмжилж, бусад охидтой харьцуулдаг байсан нь гоо сайхны хагалгаанд донтоход нөлөөлсөн гэж тэрээр харамсан ярьж байна. Найз залуу нь сүүлдээ "Чиний хөх жижигхэн байна" гэж гомдоллосон тул мөн л мэс заслын аргыг сонгосон ажээ.

Берри таван жилийн дотор 30 удаа гоо сайхны мэс засал хийлгэсэн гэнэ. Зовхи, хамар, уруул, хацар, эрүү гээд түүнд мэс хүргээгүй газар байхгүй бөгөөд духаа түнтгэр харагдуулах тариа хүртэл тариулжээ. Одоо тэр найз залуугаасаа салж, дахин хагалгаа хийлгэхгүй байхаар хатуу шийдсэн байна.