Н.ЗОЛЖАРГАЛЫГ ЦАГДАН ХОРИХ САНАЛЫГ ПРОКУРОРООС ШҮҮХЭД ХҮРГҮҮЛЭВ

Монголбанкны ерөнхийлөгч асан Н.Золжаргалыг энэ сарын 29-ний шөнө АТГ-аас баривчлан ШШГЕГ-ын Цагдан хорих 461 дүгээр ангид хорьсон талаар бид өмнө мэдээлсэн билээ. Тэгвэл өнөөдөр Н.Золжаргалыг яллагдагчаар татаж, 461 дүгээр ангид нэг сарын хугацаатай хорих АТГ-ын саналыг прокурор хүлээн авч шүүх рүү шилжүүлжээ. Ингэснээр шүүх яг одоо Н.Золжаргалын цагдан хорих асуудлыг хэлэлцэх гэж байна.

Түүнийг 3.7 их наяд төгрөгийг орон сууцны хөтөлбөрт, 1.9 их наяд төгрөгийг Үнэ тогтворжуулах хөтөлбөрт дур мэдэн зарцуулсан хэмээн УИХ-ын гишүүн Т.Аюурсайхан мэдэгдэж байсан юм. Түүнчлэн гадаадад томилолтод өндөр зардал гаргасан, УИХ-ын сонгуулийн өмнө бэлэн мөнгө их хэмжээгээр хэвлүүлэн хувьцааны мөнгөнд өгсөн гэх зэргээр түүнийг буруутгах шалтгаан цөөнгүй бий.