ДӨРВӨН ХҮН ОСГОЖ НАС БАРСАН ДУУДЛАГА ИРЖЭЭ

Цагдаагийн байгууллагад гэмт хэрэг зөрчилтэй дуудлагаас нэг өдрийн дотор нийтдээ дөрвөн хүн осгосн байдалтай нас барсан байжээ.

Тухайлбал, Хөвсгөл аймгийн "Цэцэрлэг сум зургадугаар баг Амтайханы хөндий гэдэг газар Хөвсгөл аймгийн харъяат эрэгтэй 47 настай Б нь "Toyota Cami" автомашиныхаа хажууд осгосон байдалтай нас барсан" байдалтай олдсон байна.

Мөн Чингэлтэй дүүргийн 12-р дугаар хорооны нутаг дэвсгэрт байрлах "ГССҮТ-д осгосон хүн ЯТТ-ын 103-аар хүргэгдэн ирж хэвтлээ" гэсэн мэдээлл цагдаагийн байгууллагад иржээ. Энэхүү дууддагын дагуу арваннэгдүгээр сарын 29-нд авч шалгахад Баянгол дүүргийн 11-р хороонд суух эрэгтэй 29 настай Ц нь гар, хөл осгосон байдалтай хүргэгдэн хэвтэн эмчлэгдэж байгааг Чингэлтэй дүүргийн цагдаагийн хоёрдугаар хэлтэст шалгаж байна.

Сонгинохайрхан дүүргийн 11-р хороо "ГССҮТөвийн "Эрчимт эмчилгээний тасаг"-т өнгөрөгч сарын 27-нд ЯТТ-ын 103-аар хүргэгдэн ирж эмчлэгдэж байсан хүн нас барсан" гэсэн мэдээллийг 11-р сарын 29-нд авч шалгахад: тус дүүргийн 18 хороонд суух эрэгтэй 68 настай Г нь хашаанаадаа осгосон байдалтай олдсон аж. Ийнхүү тус эмнэлэгт хүргэгдэн ирээд эмчилгээ хийлгэж байхдаа нас барсан хэргийг шалгаж байна.

Түүнчлэн Багахангай дүүргийн хоёрдугаар хорооны нутаг дэвсгэрт байрлах "Замчины гудамжинд согтуу хүн хэвтэж байна" гэсэн мэдээллийг иржээ. Энэ дагуу арваннэгдүгээр сарын 29-нд авч шалгахад тус дүүргийн хоёрдугаар хороонд суух эрэгтэй 57 настай Б нь осгосон байдалтай нас барсан хэргийг шалгаж байна.