ШӨНИЙН ЦАГААР ТАКСИНЫХАН ЭМЭГТЭЙЧҮҮДИЙГ БҮЛЭГЛЭН ДЭЭРЭМДДЭГ БАЙЖЭЭ

Энэхүү хэргийг Баянзүрх дүүрэг дэх цагдаагийн нэгдүгээр хэлтсийн Эрүүгийн цагдаагийн тасгийн алба хаагчид шуурхай ажилласны дүнд эмэгтэйчүүдэд хүч хэрэглэн дээрэмддэг бүлэг этгээдийг илрүүлж, саатуулан шалгаж эхэлжээ.

Уг хэргийг Улаанбаатар хотын харьяат 20-22 насны Б, Г А, нар бүлэглэн үйлддэг байжээ. Тэд шөнийн цагаар таксинд явж байхдаа бар цэнгээний газрын үүдэнд зогсоод согтууруулах ундаа хэрэглэсэн эмэгтэйчүүдийг гэрэлтүүлэггүй, хүний хөл багатай харанхуй гудамжинд аваачин гар цүнх, бэлэн мөнгө, үнэт эдлэл зэрэг эд зүйлийг нь дээрэмддэг байсан гэж мэдүүлжээ. Гэмт этгээдүүдийн хоёр нь эрхэлсэн тодорхой ажилгүй, нэг нь дээд сургуульд сурдаг бөгөөд эхнэр хүүхдийн хамт амьдардаг 20-22 насны залуус байгаа аж.