ХОЁР САРТАЙ ХҮҮХДЭЭ ЗОДЖЭЭ

Москвагийн ойролцоох Наро-Фоминск районд нялх хүүхдээ зодсон хэргийн шалтгаан, нөхцөл байдлыг тодруулж байгаа аж. Ясны хугарал бүхий хоёр сартай уг хүүхэд саяхан районы нэгдүгээр эмнэлэгт хүргэгдсэн байна.

Нялх хүүхдийн ээж болох 2000 онд төрсөн 17 настай эмэгтэй нь эмзэг бүлгийн гэр бүлд амьдардаг бөгөөд түүнийг нөхөр гэгдэх залуу нь үе үе зоддог байсан, тэр ч байтугай, жирэмсэн байхад нь хутгаар сүрдүүлж байсан гэнэ.

Тэд хоёр сартай хүүхдээ ширээн дээрээс унаад өөрөө бэртсэн хэмээн мэдүүлж байгаа хэдий ч эмнэлгийн ажилтнууд болон цагдаагийнхан өөр хувилбартай байгаа аж. Нялх хүүхэд зодуулсан байж болох ул мөрийг анх эмээ нь ажигласан бөгөөд хүүхдийн нүүрэн дээр хөх толбо бий болсон байжээ.

Хүүхэд чангаар орилон намдахгүй байсан бөгөөд эмнэлэгт авчран үзлэг шинжилгээ хийхэд ясны хугаралууд оношлогдсон байна. Хүүхдийн эцэг болох залууг баривчлахад тэрээр хоёр хуруугаа гэмтээсэн байсан гэнэ. Уг хэрэгтэй холбогдуулан мөрдөн шалгах ажиллагаа явагдаж байгаа аж.