ӨНӨӨДӨР МОНГОЛ УЛСАД БОЛОХ ЗАРИМ ҮЙЛ ЯВДЛААС

НҮБ-ын Хүүхдийн эрхийн хорооноос Хүүхдийн эрхийн тухай конвенцийн хэрэгжилтийн талаарх Монгол Улсын Засгийн газрын 5-р тайлан, ТББ-ууд, хүүхдүүдийн илгээсэн сүүдрийн илтгэлийг хэлэлцэж, конвенцийн хэрэгжилтийг сайжруулах чиглэлээр Монгол Улсын Засгийн газарт ирүүлсэн дүгнэлт зөвлөмжийг танилцуулах уулзалт хэлэлцүүлэг болно.
Хэлэлцүүлэг 11 сарын 20-ны Даваа гарагийн 10:00-13:00 цагт Нээлттэй Нийгэм Форумын хурлын танхимд болно.

ЮНЕСКО-ийн Монголын үндэсний комисс, ГХЯ, БОАЖЯ, БСШУСЯ, Хан Хэнтийн УТХГ-ын Хамгаалалтын захиргаатай хамтран "Дэлхийн өвийн менежментийн асуудлууд–Бурхан халдун уул, түүнийг хүрээлсэн тахилгат газар нутаг" сэдэвт уулзалт хэлэлцүүлгийг 2017 оны 11 дүгээр сарын 20-ны өдөр Цэнгэг усны нөөц, байгаль хамгаалах төвд зохион байгуулна.
Хэлэлцүүлгийн хүрээнд Монгол Улсын Дэлхийн өвд бүртгэгдсэн газруудын менежментийн тулгамдсан асуудлуудыг авч хэлэлцэн, тус өвийн газруудыг соёлын болон байгалийн өвийн талаас нь хамгаалах талаар саналсолилцох юм.
Арга хэмжээнд төрийн ба төрийн бус байгууллагууд, Дэлхийн өвд бүртгэгдсэн газруудын төлөөлөгчид оролцоно.
ЮНЕСКО-ийн Монголын үндэсний комисс

Нийслэлийн хүүхдийн элчийн андгай өргөх ёслолын үйл ажиллагаа болно.
Хүүхдийн эрхийн тухай хуулийн 20 дугаар зүйлийн 20.5 20.6 20.7 дахь заалт, Хүүхдийн элчийг сонгон ажиллуулах засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газрын даргын 2017 оны 06 сарын 23 өдрийн А/98 тоот тушаалаар батлагдсан журмын хүрээнд томилогдон ажиллах Нийслэлийн "ХҮҮҮХДИЙН ЭЛЧ"-ийн андгай өргөх ёслол 2017 оны 11 сарын 20 өдрийн 11 цагт нийслэлийн Хангарьд ордоны ёслол хүндэтгэлийн танхимд зохион байгуулагдана.

ХДХВ, ДОХ-ын Дэлхий нийтийн анхаарал хандуулах өдрийг угтаж Монгол улсад болон дэлхий нийтийн ХДХВ, ДОХ-ын өнөөгийн байдлын талаар мэдээлэл өгөх уулзалт, ярилцлага болно. Уулзалт, ярилцлагад ХӨСҮТ-ийн эмч мэргэжилтэнүүд оролцоно. 2017 оны 11-р сарын 20-ны өдрийн 11 цагаас Хэвлэлийн хүрээлэнд болно.
Утас: 89008516
99773800