В.ПУТИНЫ АМЬ НАСАНД ХАЛДАХЫГ ЗАВДЖЭЭ

/ИТАР-ТАСС/ ОХУ-ын Ерөнхийлөгч Владимир Путины амь насанд заналхийлсэн тухай тус улсын хэвлэлүүд мэдээллээ.

Оросын агентлагийн уламжилснаар өнгөрсөн долоо хоногийн пүрэв гарагт Ерөнхийлөгчийн явж өнгөрсөн зам, байрлалуудад 50 гаруй тэсрэх бөмбөг байрлуулсан тухай мэдээлэл телефон утаснаас ирсэн байна. Ерөнхийлөгчийн тамгын газрын хэвлэлийн албаны дарга Дмитрий Песков "Тэсрэх бөмбөг, тэсрэх төхөөрөмжүүд байрлуулсан тухай мэдээллүүд төрийн тэргүүний ажлын хуваарь өөрчлөлт оруулаагүй" гэжээ.

Дмитрий Песков "Тэсрэх бөмбөгнүүд Ерөнхийлөгчийн цуваа явж өнгөрөх, зогсох цэгүүдэд байрласан тухай дуудлагууд хүлээн авсан. Өглөөгүүр 60 гаруй дуудлага шүү. Гэхдээ бид аюулгүй байдлыг хангахын тулд шаардлагатай арга хэмжээнүүдийг авч ажиллалаа. Иргэдэд ч гэсэн таагүй сэтгэгдэл төрүүлэхгүйн тулд ажилласан. Телефон утасны дуудлагуудыг хараахан тодорхой болгоогүй ч хилийн чанадаас ирсэн болов уу гэж таамаглаж байгаа" гэжээ.

http://time.mn