ХЯТАДЫН СОЁЛЫН ӨДРҮҮД ТӨВ АЙМАГТ ҮРГЭЛЖИЛЖ БАЙНА

Улаанбаатар дахь Хятадын соёлын төв, Төв аймгийн Засаг Даргын Тамгын Газар болон Төв аймгийн Монгол туургатан театр хамтран 2 өдрийн турш өдөр Төв аймгийн Зуунмод хотноо ХЯТАДЫН СОЁЛЫН ӨДӨР арга хэмжээг зохион байгуулж байна. ер нь жил бүр энэхүү арга хэмжээг зохион байгуулдаг төдийгүй зөвхөн нийслэл хотоор зогсохгүй аймгуудаас сонгон зохион байгуулдаг уламжлалтай. Тус арга хэмжээний хүрээнд: “Сичуаний түүх"үзэсгэлэнгийн арга хэмжээ, “Хятад үндэсний хөгжмийн лекц, тоглолт", Төв аймгийн Монгол туургатан театр болон Монгол Улсын Консерваторийн уран бүтээлчдийн хамтарсан тоглолт зэргийг үзүүлсэн байна.

Мөн соёлын өдрүүдийн нэг гол сэдэв бол үзэсгэлэн байдаг. Энэ удаагийн үзэсгэлэнд Мяньжү самбаран зургийн урлаг, Сичуаний ши жүжиг, Пин Ү цаасан хайчилбар , Сичуаний арьсан сүүдрийн жүжиг , Хулсан нэхмэл зэрэг тус улсын онцлогийг харуулсан үзэсгэлэнг дэлгэжээ.