​ГАР БӨМБӨГИЙН ӨСВӨРИЙН УЛСЫН АВАРГУУДАА АРХАНГАЙН УДИРДЛАГУУД ХҮЛЭЭН АВЧ УУЛЗАВ

МУГД А.Доржсүрэн агсны нэрэмжит гар бөмбөгийн өсвөрийн улсын аварга шалгаруулах тэмцээн 11сарын 6-аас 11-ны өдрүүдэд Говьсүмбэр аймагт зохион байгуулагдсан байна. Энэ тэмцээнд аваргын алтан медалийг хүртэж улсын аварга болсон Б.Гончигзув дасгалжуулагчтай Архангай аймгийн баг хамт олонд аймгийн ИТХ-ын дарга Б.Өсөхбаяр, Аймгийн Засаг дарга Ц.Мөнхнасан, Аймгийн ЗДТГ-ын хамт олноос хүндэтгэл үзүүлэн хүлээн авч гарын бэлэг гардууллаа.

Мөн тамирчдын эцэг эх, багш, сургуулийн удирдлагууд ирж хүндэтгэл үзүүлсэн юм. Аймгийн Засаг дарга хэлэхдээ Ирэх 4жилд Аймгийн Засаг даргын мөрийн хөтөлбөрт боловсролын чиглэлээр "Багшийн хөгжил", "Ирээдүй 1+1" гэсэн хоёр хөтөлбөр оруулсан. Энэ хөтөлбөр нь сурч байгаа сурагчид сурахынхаа хажуугаар урлаг болон спортын аль нэг төрлөөр амжилт гаргах боломжийг бүрдүүлж өгч байгаа юм. Энэ хөтөлбөрийн маань түрүүчийн үр дүн гарч Архангай аймаг анх удаа гар бөмбөгийн өсврийн улсын аваргатай боллоо. Урлаг, спортыг дэмжих ажил цаашид ч үргэлжилнэ. Бид дэмжинэ. Олон хүүхдүүдийн авьяас чадвар нээгдэнэ гэдэгт итгэлтэй байна" хэмээн онцоллоо.

Гар бөмбөгийн УАШТ-нд түрүүлж аваргалснаас гадна шилдгийн шилдэг тэгш тоглогчоор В.Булганцогт, шилдэг холбогчоор О.Батбаяр, шилдэг дасгалжуулагчаар Б.Гончигзув багш нар тус тус шалгарсан амжилт үзүүлсэн байнаАрхангай аймгийн баг тамирчдын хувьд 10р сарын 4-өөс эрчимжсэн бэлтгэлээ хийсэн байна. . Улсын аварга шалгаруулах Гар бөмбөгийн тэмцээнд 20 аймаг 9 дүүргийн 81 баг тамирчид оролцсоноос эмэгтэй 43 баг, эрэгтэй 38 баг тамирчид өрсөлджээ.