ТҮҮХИЙ НҮҮРСНИЙ ГАЛЛАГАА АГААРЫН БОХИРДОЛД ШУУД НӨЛӨӨЛЖ БАЙНА

Нийслэлийн Улаанбаатар хотын хэмжээнд агаарын чанарыг хэмжих 15-н харуулын цэг ажиллаж байна. Өнгөрсөн 9 болон 10 сарын байдлаар агаарын Тоосонцор, Хүхэрлэг хийн агууламж өнгөрсөн жилтэй харьцуулахад 2-24 хувь буурсан үзүүлэлт гарчээ. Буурсан шалтгаан нь энэ жилийн тухайд харьцангуй дулаан байсантай холбоотой байна.

Өвлийн улиралд агаарын бохирдол ихсэж байгаа нь түүхий нүүрсний галлагаатай шууд холбоотой байна. Гэр хороолол, орон сууц, автозамын орчим, үйлдвэрийн дүүрэг, хотоос зайдуу гэхчлэн нийслэлийн 15 цэгт хэмжилт хийж байна. Эндээс харахад гэр хороолол болон авто замтай ойр байгаа цэгүүдэд агаарын бохирдол өндөр байдаг байна. Өнгөрсөн 9,10-р сарын дүнг энэ жилтэй харьцуулахад 2-24 хувиар буурсан үзүүлэлт гарчээ.

Агаарын чанарыг Стандарт хэмжилзүйн газраас баталсан стандартын дагуу агаар дахь бохирдуулагч бодис тус бүрээр нь болон хэмжилтийг хэдий хэр давтамжтай хийж байгаагаар нь тогтоодог байна. Ерөнхийдөө стандартыг хүний эрүүл мэнд болон хүрээлэн байгаа орчинд нөлөөлөх байдлаар нь хэмжээг нь тогтоож байна. Үүнд хүхэрлэг хий, азотын давхар исэл, том ширхэгт тоосонцор буюу PM 10, нарийн ширхэгт тоосонцор буюу PM 2.5, нийт тоос, нүүстөрөгчийн дутуу исэл, озон болон хүнд метал, хар тугалга багтдаг байна.

Мэдээлэл хүргэхэд Агаарыг түгээмэл бохируулагч бодисууд хүний бие эрхтэн тогтолцоонд 4 үндсэн чиглэлээр нөлөөлөл үзүүлж байгаа гэсэн судалгааг Нийгмийн эрүүл мэндийн хүрээлнгээс гаргасан байдаг байна. Амьсгалын замын эрхтэн тогтолцоо, зүрх судас, дархлаа болон дээд мэдрэлийн үйл ажиллагаанд эдгээр бодисууд нөлөөлж байна. Зүрх судасны өвчлөлийн 20 орчим хувь, уушгины хавдрын 40 орчим хувь нь агаарын бохирдлоос үүссэн байна гэсэн тоог гаргажээ.