​НИЙСЛЭЛИЙН ТӨСӨВ ИРЭХ ЖИЛ 50 ТЭРБУМААР ТАНАГДАНА

2018 оны улсын төсвийг өнөөдөр баталсан. Тэгвэл нийслэлийн төсөв 12 сард багтаанд батлах ёстой. Төсвийн төсөөлөлд нийслэлээс улсын төсөвт бүрдүүлдэг орлого дээр 50 гаруй тэрбум төгрөг энэ жил нэмээд байгаа юм.

Өвөл болох гээд байхад хурлаа хийхгүй байна гэсэн шүүмжлэд Нийслэлийн иргэдийн хурал ороод байгаа юм. Тэгвэл НИТХ дахь МАН-ын бүлэг . Цөөнх нь ажлыг мушгиж, харлуулж, иргэдэд буруу мэдээлэл өгч байна. Зөвхөн нөгөө намаа буруутгах, харлуулах үүднээс нийслэлийн засаг захиргааны ажлыг буруутгасан байдлаар харуулж байгаа гэсэн байр суурийг илэрхийлж байгаа юм. Арванхоёрдугаар сарын 5-ны дотор нийслэлийн төсвийг батална гэж хуульд заасан. Арванхоёрдугаар сард багтааж нийслэлийн төсөв батлах ёстой. Ирэх онд нийслэлийн төсөв нэлээд багасах шинжтэй гэж байгаа. Төсвийн төсөөлөлд нийслэлээс улсын төсөвт бүрдүүлдэг орлого дээр 50 гаруй тэрбум төгрөг энэ жил нэмжээ. Тэгэхээр ирэх оны нийслэлийн хөрөнгө оруулалтын төсвөөс ийм хэмжээний хөрөнгө хасагдаж байна.

Эдийн засаг хүнд байгаа ч бүтээн байгуулалт руу чиглэсэн төсөв рүү нийслэл анхаарна гэж байна. Зам, уулзвар, гүүр өргөтгөж түгжрэлийг сааруулах, агаарын бохирдлыг бууруулах зэрэгт тодорхой хөрөнгүүдийг суулгаж өгнө гэж байгаа юм. Өнгөрсөн жилээс Хуучин Хөдөлмөр, нийгмийн хамгааллын яаман дээр байсан өндөр настан, хөгжлийн бэрхшээлтэй иргэн, сурагч, оюутны автобусаар зорчих зориулалтын 35 тэрбум төгрөгийн хөрөнгийг хот дээр авч ирсэн . Нийслэлээс нийтийн тээвэрт жил бүр 100 тэрбум төгрөг сул өгч байна.