​АВТО ЗАМЫН АШИГЛАЛТЫН НӨХЦЛӨӨС БОЛЖ ХОХИРСОН ИРГЭД ХОХИРЛОО НӨХӨН ТӨЛҮҮЛЭХ ХУУЛЬТАЙ

Зам тээврийн осол гарч байгаа шалтгаануудыг маш олон ангилдаг байна. Үүнээс замын ашиглалтын нөхцлийг бүрэн хангаагүйгээс гарч байгаа ослыг тухайн авто замыг хариуцаж байгаа төрийн байгууллага бүрэн хариуцна гэж авто замын хуулинд заасан байдаг юм байна. Гэхдээ энэ мэт осол нийт ослын маш бага хувийг эзэлдэг гэдгийг замын цагдаагийн албанаас мэдэгджээ.

Авто замын тухай хуулийн 35,2-т авто зам замын байгууламжийн ашиглалтын хэвийн нөхцлийг хангаагүйгээс иргэн хуулийн этгээдэд хохирол учирсаныг хуулийн байгууллага тогтоосон бол тухайн авто замын хариуцагч болон эзэмшигч хохирлыг бүрэн барагдуулна гэж заасан байдаг байна. гэхдээ өнөөдрийн нөхцөл байдалд энэхүү хуулийн заалтыг мэддэг иргэн төдийлөнбайдаггүйгээс энэхүү зүйл заалт хэрэгждэггүй юмаа.

Уг нь гадны улс оронд хэрвээ зам нь эвдрэлтэй түүнээс болж иргэдэд нь хохирол учирсан бол нөхөн төлбөр олгодог ч манай улсад хэрэгжихгүй мөн иргэд нь хуулиа сайн мэддэггүйгээс хохирсоор байдаг. үүнийг олон жишээнээс харж болно. Жишээ нь орон нутгийн замд зам засвар нэрийдлээр энд тэндгүй нүх ухаад хаячихсан түүнийгээ анхааруулсан тэмдэг тэмдэглэгээ байдаггүйгээс хурдтай явж байгаа автомашин тулж ирээд тоормос гишгэх тойрч гарах гэж байгаад осолд орох зэрэг асуудлууд байсаар байдаг.