​МУСГЗ СҮРЭНГИЙН ЖҮНШИЙН НОМЫН НЭЭЛТ БОЛЛОО

Архангай аймгаас төрөн гарсан зураач, уран барималч, соёлын гавьяат зүтгэлтэн Сүрэнгийн Жүншийн "Арын сайхан хангай нутгийн Зуун зуун дамжих 108 домог" номын нээлт Архангай аймгийн "Номын сан Мэдээллийн төв"-д боллоо. Өдгөө 90 нас дөхөж яваа хэрнэ ном бичиж суугаа энэ буурай Архангай аймгийн дурсгалт уран баримлуудыг бүтээхэд томоохон хувь нэмэр оруулсан юм. Түүний Булган уулын Зон хав бурхан, Янгиртай хясаа, Жүншийн хад зэрэг бүтээлүүдийг хэн бүхэн мэддэг болсон.

Түүнчлэн Бөх билэгтийн хөшөө түүнийг тойрсон 12 жилийн баримлыг урласан, аймагтаа анх удаа байгалийн цогцолбор музейг дэлгэсэн гээд сум орон нутгийн музей үзмэр, хөшөө дурсгалд түүний гар хүрээгүй зүйл бараг үгүй. Түүнд хөшөө баримлаас гадна Архангай аймгийн түүх, зан заншилтай холбоотой хэд хэдэн том ном бий. Нутгийн уул усны домгоо бичсэн, Амьддаа домог мэт яваа өвгөн урлаач бидний дунд мөр зэрэгцэн амьдарч байгаа нь бахархууштай.

.