​ХҮҮХДИЙГ ГЭМТ ХЭРГЭЭС УРЬДЧИЛАН СЭРГИЙЛЭХ АЖИЛД БҮХ НИЙТИЙН ОРОЛЦОО ЧУХАЛ

Нийслэлийн СХД хотын хамгийн их хүн амтай нутаг дэвсгэрийн хувьд хамгийн томд тооцогддог. Тус дүүргийн нутаг дэвсгэрт хулгайлах болон дээрмийн гэмт хэрэг хамгийн их бүртгэгджээ. Тэгвэл гэмт хэргийн гаралтыг бууруулах чиглэлээр цагдаагийн байгууллага бусад аж ахуй нэгжүүдтэй хамтран ажиллаж байна.

Сонгино Хайрхан дүүргийн хувьд Нийслэлийн хамгийн их хүн амтай, ажилгүйдэл ядуурал ихтэйд тооцогдож байна. Бүртгэгдсэн гэмт хэргийн дийлэнх нь хулгайн гэмт хэрэг байна. Гэхдээ Цагдаагийн ерөнхий газар, нийслэлийн цагдаагийн газраас гэмт хэргээс урьдчилан сэргийлэх ажлыг оновчтой зохион байгуулж байгаа төрийн болон төрийн бусм байгууллага иргэн аж ахуй нэгжийн сайн туршлагыг иргэд олон нийтэд хүргэх ажлыг зохион байгуулж байгаагийн үр дүнд зарим хороодод гэмт хэргийн гаралт буурч байна. Жишээ нь гэхэд СХД-ийн 4-р хороонд өнгөрсөн жилийн өдийтэй харьцуулахад гэмт хэргийн гаралт буурсан дүн гарчээ

Мөн түүнчлэн хүүхдийг гэмт хэргээс урьдчилан сэргийлэх чиглэлээр тодорхой ажлууд хийгдэж байна. Ялангуяа ерөнхий боловсролын сургуулийн сурагчдыг гэмт хэргээс сэргийлэх чиглэлийн арга хэмжээг авсанаар хүүхэд гэмт хэрэгт өртөх асуудлыг бурууж байгаа юм. Мөн түүнчлэн Гэр бүлийн хүчирхийллийн гэмт хэрэг нь ихэвчлэн ахуйн хүрээнд үйлдэгддэгээрээ онцлогтой. Иймээс ахуйн хүрээндээ байгаа хүмүүстээ чиглэсэн ажлуудыг хийх нь зөв гэж үзэж байна. Эцэг, эх, асран хамгаалагчид хүүхдэдээ тавих анхаарлаа сайжруулж, таны хүү, охин ямар хүмүүстэй найзалж, нөхөрлөж хаагуур, юу хийж явааг мэдэх, хүүхдээ гэмт хэргийн холбогдогч, хохирогч болохоос урьдчилан сэргийлэх хэрэгтэй юм.

Цагдаагийн ерөнхий газар, нийслэлийн цагдаагийн газраас гэмт хэргээс урьдчилан сэргийлэх ажлыг оновчтой зохион байгуулж байгаа төрийн болон төрийн бусм байгууллага иргэн аж ахуй нэгжийн сайн туршлагыг иргэд олон нийтэд сурталчлах ажлыг ийнхүү зохион байгуулж байгаа юм.

.