ХҮҮХДИЙН ТУСЛАМЖИЙН 108 УТСАНД ӨДӨРТ 400-500 ДУУДЛАГА ИРДЭГ

Хүүхдийн тусламжийн 108 утас ашиглалтад ороод 3 жилийн хугацаа өнгөрч байна. Хүүхдийн хүчирхийллийн эсрэг үйл ажиллагаагаа явуулж байгаа энэхүү утсанд өдөртөө 400-500 дуудлага байнга ирж операторууд нь харъяа цагдаагийн байгууллага болон хорооны нийгмийн ажилтанд мэдэгдэж хяналтдаа авдаг байна.

Энэхүү утсанд өдөртөө 400-500 дуудлага ирж байгаагийн 60 гаруй хувь нь зорилтот буюу ямар нэг байдлаар хүчирхийлэлд өртсөн байдаг байна. Шинэ гэр бүлийн хүчирхийллийн тухай хуулийн хүрээнд хамтарсан багууд хороо дүүрэг бүрт ажиллаж давтамжтайгаар хүчирхийлэл үйлдэж байгаа өрхийг хараандаа авч байнгын хяналт шалгалт болон зөвлөгөөг хүргэж ажилладаг байна.

Хүүхдийн тусламжийн 108 утсыг цаашид илүү боловсронгуй болгохоор мобиком корпораци ажиллаж байгаа юм байна. Жишээлбэл хүүхэд хүчирхийлэлд өртөөд ярьж чадахгүй нөхцөлд богино утгатай мсж илгээх эсвэл сошиалаар дуут дохио илгээх гэх мэтээр хялбарчилахаар ажиллаж байгаа юм.

Хүүхдийн тусламжийн утас нь хүчирхийлэлд өртөхөөс бүрэн хэмжээгээр хамгаалж чадахгүй ч гэлээ нэг удаа холбогдсон бол дараа дараагийн удаад хяналтад ордог байна. Хүүхдүүд хүйсийн харьцаагаараа холбогдох нас, сэдэв өөр өөр байдаг. Жишээ нь 10-14 насны охид холбогдож найзыгаа хүчирхийлэлд өртсөн байж магадгүй гэдэг бол 14-17 насны эрэгтэй хүүхдүүд холбогддог гэдгийг хэлж байгаа юмаа.