​ШҮҮХИЙН ДҮГНЭЛТИЙГ ПРОКУРОРЫН ЗӨВШӨӨРЛӨӨР НИЙТЭД ИЛ БОЛГОЖ БОЛНО

Хойд эцэгтээ хүчирхийлүүлсэн гэх таван настай охинд хийсэн шинжилгээний хариу одоог хүртэл тодорхой болсон уу гэдэг нь олон нийтэд хүлээлттэй байгаа юм. Тэгвэл Шүүхийн шинжилгээний үндэсний хүрээлэнгэээс хэрэг гарснаас хойш 3 хоногийн дотор шинжилгээний хариуг цагдаагийн байгууллага руу явуулсан байна.

Таван настай охин хойд эцгийн хүчирхийлэлд өртсөн байдалтай Шүүх эмнэлгийн хүлээн авах тасагт хүргэгдсэн талаар, ээж нь хойд эцэгт нь орхиод олон сараар сураггүй байгаа талаар мэдээлэл цахим орчинд цацагдсан даруйд олны анхааралд өртөж, охины талаар холбогдох газар, Хүний эрхийн комисс, цаашлаад Ерөнхий сайд, УИХ дээр ч асуудал яригдсан. Охиныг Шүүх эмнэлэгээс гаргасны дараа Гэр бүл, Хүүхэд, Залуучуудын хөгжлийн төвийн "Түр хамгаалах байр"-нд байлгаж байгаа тухай бид өмнө мэдээлсэн. Тэгвэл охин хүүхдийн асрамжийн газар болох "Өнөр бүл" төвд одоо хамгаалалтад байгаа юм.

"Өнөр бүл" төв нь эцэг эх байх эрх нь хязгаарлагдсан, сэтгэцийн өөрчлөлттэй аав, ээжийн хүүхдүүд болон 2-18 насны өнчин, олдмол, хаягдмал, хараа хяналтгүй хүүхдүүдийг өсгөж асардаг байгууллага юм. Өнгөрсөн хугацаанд сэтгэл зүй, эрүүл мэндийн эмчилгээ, тусламж үзүүлж нийгэмшүүлээд, энгийн өрөөнд шилжүүлнэ гэж тус төвийн Ерөнхий захирал М.Өлзийчимэг хэлж байсан. албан ёсны шинжилгээний хариу олон нийтэд ил болоогүй байна.