Үндэсний бөхийн УАШТ дөрвөн насны ангиллаар зохион байгуулагдана

Үндэсний бөхийн өсвөр, залуучуудын 2025 оны улсын аварга шалгаруулах тэмцээн энэ сарын 31-нд эхэлнэ. Монгол бөхийн өргөөнд гурван өдөр үргэлжлэх энэхүү барилдааны бүртгэл маргааш болно. Барилдаан 16, 17, 18, 19-20 гэсэн дөрвөн насны ангиллаар зохион байгуулагдана. 21 аймаг, нийслэлийн есөн дүүргийн харьяат тэнд мьдардаг, аймаг болон дүүргийн аварга шалгаруулах барилдаанд түрүүлсэн,  бөхийн дэвжээ, нийгэмлэг клуб, биеийн тамирын сургуулиудаас тус бүр нэг төлөөлөл оролцох ажээ.

Сонируулахад, өсвөр, залуучуудын УАШТ-ий түүхэнд улсын арсланд цолонд хүрсэн найман бөх зодоглож байжээ. Улсын арслан М.Мөнгөн, Д.Азжаргал, Х.Мөнхбаатар, Д.Ганхуяг, Р.Пүрэвдагва, Ц.Содномдорж, Б.Орхонбаяр, Э.Батмагнай амжилттай барилдаж байжээ.  Улсын арслан Э.Батмагнай үндэсний бөхийн өсвөрийн УАШТ-д гурван удаа түрүүлсэн юм. Харин улсын арслан Х.Мөнхбаатар мөнгө, Д.Азжаргал мөнгө, хүрэл медаль хүртэж байсан.