Хөрш: Уурлахаараа охиноо гэрийнхээ хаалгаар шидэж байхыг харсан

Энэ сарын 20-21-нд шилжих шөнө Архангай аймагт гурван настай охиныг хойд эцэг нь зоджээ. Улмаар тархи нь хүнд гэмтэж, элэг нь бяцарч эмнэлэгт хүргэгдсэн байна. Гэвч  ухаан орохгүй байсаар амь насаа алджээ. Тухайн айлын хөрш "Уурлахаараа охиноо хаалгаараа гаргаж шидэж байхыг харж байсан. Нөхөртэйгөө хэрэлдсэн уураа хүүхдээ гаргадаг. Архи согтууруулах ундаа их хэрэглэдэг.  Хэрэг болсон өдрийг сайн мэдэхгүй байна. Өмнө нь  би төрөөд эмнэлгээс гараад удаагүй байхад охин нь уйлаад хаалганыхаа хажууд зогсож байсан. Ороод өмөөрөх гэхээр их ааштай хүмүүс байдаг. "Чамд ямар хамаатай юм, зайл" гэдэг. Энэ айлыг ойр хавийн хүмүүс анддаггүй. Манайх энд нүүж ирээд жил гаруй болж байна. Тус айл манайхаас өмнө байсан" гэв.