Багш нар ажил хаялт хийх талаар мэдэгдлээ эцэг эхчүүдэд хүргүүлжээ

Төв талбай дээр хоёр долоо хоног дамнан суулт зарлаад байсан багш нар энэ  пүрэв гарагаас эхлэн хугацаагүй ажил хаялт зарлахаа мэдэгдэж, эцэг эхчүүдэд мэдэгдэл хүргүүлжээ. Мэдэгдэлд, "Хүндэт эцэг эх та нөхцөл байдлыг ойлгон өөрийн хүүхдээ хариуцан ажил хаялт зогсох хүртэл эрүүл аюулгүй орчныг хангах, анхаарлаа хандуулахыг хүсье" гэжээ. 

Багш нарын зүгээс цалингаа нэмэгдүүлж 3.5 сая төгрөг хүргэх шаардлага тавьж суултаа эхлүүлж байсан юм. Гэвч Боловсролын сайд багш нарын цалинг үе шаттай нэмэгдүүлж 3 жилийн хугацаанд  3.5 сая төгрөгт хүргэх боломжтой гэх тайлбар өгсөн. Ийнхүү хоёр талын шаардлага нийцэхгүй байгаа тул багш нар ажил хаялтаа 10 дугаар сарын 16-ны 08:00 цагт эхлүүлэхээр болж байна.  

Ажил хаялт улс орон даяар болох ба цэцэрлэгийн багш нар ч ажил хаялтад нэгдэхээ илэрхийлээд буй. Тэгвэл хүүхэд харах хүнгүйгээс эцэг эхчүүд ажилдаа явах боломжгүй нөхцөл байдал ч үүсэж болзошгүй байна. Энэ талаар бид бодит нөхцөл байдлыг сурвалжлан хүргэх болно.