Цагдаагийн албан хаагчдад иргэдийн сэтгэл ханамж өсчээ

Цагдаагийн байгууллагаас өнгөрсөн нэг сарын хугацаанд гэмт хэрэг, зөрчлийн дуудлага, мэдээлэл өгч шийдвэрлүүлсэн 44,707 иргэнд судалгааны зурвас илгээж, нийслэлд 3,518, орон нутагт 250, нийт 3,768 иргэн хамрагджээ. 

Судалгааны үр дүнгээс алба хаагчийн харилцаа, мэдээлэл ойлгомжтой байсан гэж 87.7% үйлчилгээ хүлээлтэд нийцэж, асуудал бүрэн шийдэгдсэн гэж 77.2% үйлчилгээнд “5 оноо” өгсөн нь 66.5% гэж үнэлсэн байна. Эдгээр үзүүлэлт нь цагдаагийн алба хаагчдын харилцаа, мэргэжлийн ур чадвар сайжирч, дуудлага мэдээллийг түргэн шуурхай шийдвэрлэх ахиц гарсныг харуулж байна.

Тус байгууллагаас сар бүрийн судалгааны дүнг нэгтгэн, холбогдох нэгжүүдэд хүргүүлж шийдэл гарган ажиллаж байгаа нь иргэн төвтэй, хүний эрхийг хангах ажлын чухал илрэл юм.