Алтай хотхон орчимд 640 хүүхдийн суудалтай сургууль барина

ХУД-ийн 3 дугаар хороо, "Жигүүр Гранд Групп" ХХК-ийн эзэмшлийн талбайг нийслэлээс зөвшилцөж, 640 хүүхдийн суудалтай сургууль барих ажлыг төлөвлөсөн. Энэ хүрээнд тус газрыг чөлөөлж, хүлээлгэн өгөх талаар НХШГ-аас шаардах бичиг хүргүүлжээ.

Сургууль барих газарт байгаа барилгын ажилд ашигласан кран, хог хаягдлыг шилжүүлж, газар чөлөөлөх талаар тус компанийн төлөөлөлд шаардах хуудас хүргүүлсэн байна. Тодруулбал, тус талбайд байгаа хоёр давхар барилгыг буулгах бөгөөд хог хаягдал, ус тогтсон байдал, нурсан хашаанаас үүдэлтэй аюулгүй байдлын зөрчлийг арилгуулах шаардлагатай. Мөн барилгын дулаан зогсоол руу орох хэсэг сургуулийн газартай хил залгаа байгаа учир оршин суугчдаас гомдол ирсэн. НХШГ-аас гомдлын дагуу шалгалт хийж, угсралтын ажлыг түр хугацаанд зогсоосон байна. Түүнчлэн орц, гарц, сургуулийн газрын уялдаа, ерөнхий төлөвлөгөөний дагуу хэрэгжиж байгаа эсэх, түшиц ханын аюулгүй байдал зэрэгт хяналт тавин ажиллаж байна гэж мэдээллээ.