“Цэлмэг Тэр Их” ХХК-ийн эзэмшлийн газрыг хууль зөрчин бусдад олгосон асуудлаар АТГ-д хандлаа

Архангай аймгийн Засаг дарга Б.Цэрэннадмид бусдад давуу байдал олгон “Цэлмэг Тэр Их” ХХК-ийн эзэмшлийн газрыг хууль зөрчин бусдад олгохоор завдаж буй асуудлаар иргэн Д.Бат-Учрал Авилгатай Тэмцэх газарт хандлаа. Тэрбээр, "Манай компанийн эзэмшилд байдаг газрыг хууль бус замаар эзэмших эрхийг цуцалж, бусдад давуу байдал олгон өөр хуулийн этгээдэд шилжүүлэхээр завдаж буй үйлдэл нь хууль зөрчиж байна гэж үзэж байна. Иргэний хэргийн шүүхэд хандаад жил болж байгаа боловч өөр эзэмшлийн копманид эзэмшүүлэх алхам хийгээд  байгаа учраас  бид албан тушаалаа ашиглаж бусдад давуу байдал олгож буй энэ асуудлаар АТГ-д хандаж байна" гэсэн юм.