Хоёр настай хүүг эрэн хайх ажиллагаа дөрөв дэх өдрөө үргэлжилж байна

Энэ сарын 17-ны өдөр Хөвсгөл аймгийн Тариалан суманд 2 настай эрэгтэй хүүхэд сураггүй алга болсон. Хүүг алга болсон өдрөөс хойш дөрвөн өдөр өнгөрч, энэ хугацаанд эрэн хайх ажиллагаа тасралтгүй хийгдэж байна.  Өнөө өглөө 7:00 цагт эрэн хайх ажиллагааг эхлүүлсэн гэх албаны мэдээлэл байна. 

Хүүг эрэн хайх ажиллагаанд Хөвсгөл, Орхон, Булган, Дархан-Уул, Сэлэнгэ аймгийн Онцгой байдлын газар, Агаараас эрэн хайх 111-р анги, аймгийн Засаг даргын тамгын газар, Шүүхийн шийдвэр гүйцэтгэх газар, Цагдаагийн газар, ХГБХХГ, Зэвсэгт хүчний 321-р тусгай салбар, Хилийн цэргийн 0257-р анги, Их-Уул, Тариалан, Шинэ-Идэр сумын ЗДТГ-ын мэргэжлийн анги  оролцож байна. Мөн сайн дурын иргэд нэгдэн автомашин, мотоцикль, морь, дрон зэргийг ашиглан эрлийн ажиллагааг явуулж байна. 

Алга болсон хүүхдийн талаарх аливаа мэдээллийг 7038102 дугаарын утсаар төлбөртэй авч байгаа юм.