"Сугалаанд их хэмжээний мөнгө хожлоо" гэх зурвас илгээж интернэт банкруу нь нэвтэрчээ

Цахимаар сугалаанд оролцсон иргэдрүү "Сугалаанд их хэмжээний мөнгө хожлоо" гэх зурвас илгээж улмаар дансны мэдээллийг авч, интернэт банкруу ь хууль бусаар нэвтэрсэн хэрэг гарчээ. Завхан аймгийн иргэн Б-д энэ оны 09 дүгээр сарын 06-ны өдөр "Fadel steuplai” гэх фэйсбүүк хаягаас та манай сугалаанд /10.000.000/арван сая төгрөгний азтан болсон байна та бидэнд өөрийн мэдээллээ өгнө үү гэсний дагуу тухайн иргэн дансны мэдээллээ бусдад дамжуулж 1.623.000 төгрөгөө алдсан, мөн иргэн А нь “2025 оны 09 сарын 12-ны өдөр "Diana Marta” гэх хаягаас 70.000.000 /далан сая/ төгрөг хожлоо, дансны мэдээллээ өгнө үү гэсэн зурваст хууртаж, данснаасаа 432.000 мянган төгрөг алдсан гэх гомдол мэдээллийг тус тус цагдаагийн байгууллагад гаргасан байна. 

Тиймээс өөрийн хувийн мэдээллийг бусдад дамжуулах, ашиглуулах нь эрсдэл дагуулдаг тул хувийн мэдээллээ бусадтай хуваалцахгүй байхыг ЦЕГ-аас зөвлөж байна.