Шүүгдэгч Н.Энхбат: Хохирогчийг хэдэн удаа хутгалснаа мэдэхгүй байна

Баянгол, Хан-уул, Сонгинохайрхан дүүргийн эрүүгийн хэргийн анхан шатны тойргийн шүүхэд “Жем молл” худалдааны төвд эхнэрээ олон удаа хутгалж хөнөөсөн хэргийн шүүгдэгч Н.Энхбатад холбогдох шүүх хурал болж байна. Түүнийг Эрүүгийн хуулийн Эрүүгийн хуулийн 10.1 дүгээр зүйлийн 2.1 “онц харгис хэрцгийгээр”, 2.8 “гэр бүлийн хүчирхийлэл үйлдсэн" гэх зүйл заалтаар буруутган шүүж байгаа юм.

Хурлын үеэр хохирогч эмэгтэйн өмгөөлөгч хэргийг хаалттай хэлэлцэх санал гаргалаа. Учир нь 3 хүүхэдтэй, хүүхдүүд нь цаашид амьдрах эрхтэй тул хурлыг хаалттай явуулж өгнө үү гэсэн хүсэлт гаргасан юм.

Мөн шүүх хурлын үеэр шүүгдэгчийн зүгээс, "Гэр бүлийн хүчирхийлэл үйлддэггүй байсан" гэх байр суурьтайгаар шүүх хуралдаан үргэлжилж байна. Мөн хохирогчийг хэдэн удаа хутгалснаа мэдэхгүй байна. цэргийн эмнэлэгт очоод л юу болсныг ойлгож мэдсэн гэж хэлжээ.

Харин хохирогчийн өмгөөлөгчийн зүгээс, "Хохирогчийн түрээслэдэг лангуун дээр удаа дараа ирж хэрүүл маргаан үүсгэдэг байсан төдийгүй хоёр ч удаа цагдаад дуудлага өгч арга хэмжээ авч байсан. Мөн ойр хавийн түрээслэгчид хохирогчийг нөхрийнхөө дарамт дор байдаг хэмээн ярьдаг байсан" гэдгийг онцоллоо.