ӨНӨӨДӨР: Сондгой тоогоор төгссөн тээврийн хэрэгслээр хөдөлгөөнд оролцоно

Хичээлийн шинэ жил эхэлж буйтай холбогдуулан түгжрэлийг сааруулах зорилгоор автомашиныг улсын дугаарын тэгш, сондгой тоогоор хязгаарлаж хөдөлгөөнд оролцуулж буй. 9 дүгээр сарын 16-ны өдрийг хүртэл дугаарын тэгш сондгүй хязгаарлалт үргэлжлэх юм. Өнөөдөр буюу 9 дүгээр сарын 7-ны өдөр сондгой тоогоор төгссөн дугаартай автомашинаар хөдөлгөөнд оролцох юм. Харин маргааш тэгш тоогоор төгссөн улсын дугаартай автомашинаар зорчих боломжтой.  

Тээврийн хэрэгслийн дугаарын хязгаарлалт нь 08:00-20:00 цагийн хооронд үргэлжилнэ. Хязгаарлалтын бүс байхгүй бөгөөд цагдаагийн албан хаагчид зохицуулалт хийж ажиллана. 

Сондгой тоогоор төгссөн тээврийн хэрэгсэл 8 дугаар сарын 27, 29, 31-нд,  9 дүгээр сарын 3, 5, 7, 9, 11, 13, 15-ны өдрүүдэд хөдөлгөөнд оролцох бол, 

Тэгш тоогоор төгссөн тээврийн хэрэгсэл 8 дугаар сарын 28, 30-нд, 9 дүгээр сарын 2, 4, 6, 8, 10, 12, 14, 16-нд хөдөлгөөнд оролцох юм. 

Дашрамд дурдахад, дугаарын тэгш сондгой хязгаарлалт эхэлснээс хойш  жолооч нар улсын дугааргүйгээр болон автомашиндаа хуурамч дугаар зүүж хөдөлгөөнд оролцох нь олширч байна. Иймд, дээрх зөрчилд ТЦА-ны хөдөлгөөн зохицуулагчид биечлэн болон камерын хяналтын системээр уг зөрчлийг илрүүлж арга хэмжээ авч байна. ЗТХ-д заасны дагуу улсын дугааргүй хөдөлгөөнд оролцвол иргэнийг 25 нэгж, хуулийн этгээдийг 250 нэгжтэй тэнцэх хэмжээний төгрөгөөр торгоно. Харин хуурамч дугаар зүүж хөдөлгөөнд оролцвол гурван сарын хугацаагаар жолоодох эрхийг хасаж иргэнийг 50 нэгж, хуулийн этгээдийг 500 нэгжтэй тэнцэх хэмжээний төгрөгөөр торгохыг анхаарна уу.