Тэтгэвэр тогтоох насыг хүйс харгалзахгүй 55 болгох саналд 3613 хүн гарын үсэг зуржээ

Тэтгэврийн насыг эрэгтэй эмэгтэй ялгаагүй 27 жил шимтгэл төлсөн бол 55 насанд нь эрх үүсгэдэг болгох асуудлаар Нийтийн өргөдөл гомдлын системд 8 дугаар сарын 16-наас гарын үсэг цуглуулж эхэлсэн. Гол шалтгаан нь эрэгтэйчүүдийн дундаж наслалт бага байгаа тул холбогдох хуульд өөрчлөлт оруулах саналыг иргэн О.Од-Эрдэнэ гаргасан байна.

Санал асуулгад 100 мянган хүний гарын үсэг цуглуулахаар зорьж буй ч өнөөдрийн байдлаар 3613 хүн л гарын үсэг зураад буй юм. Гарын үсэг цуглуулах үйл явц энэ сарын 15-ныг дуустал үргэлжлэх юм. 

ҮСХ-ноос гаргасан 2024 оны мэдээллээр, эрэгтэйчүүдийн дундаж наслалт 67.3, эмэгтэйчүүдийн дундаж наслалт 76.7 байгаа юм.