ҮСХ: Нарийн ногооны үнэ буурчээ

Б.Нямсүрэн

2025/08/28

Улаанбаатар хот болон хөдөө орон нутгийн томоохон худалдааны төвүүдэд зарагдаж буй гол нэрийн хүнсний бүтээгдэхүүний дундаж үнийн мэдээллийг /2025.08.25/ байдлаар ҮСХ-оос танилцууллаа. Тухайлбал, нийслэлийн томоохон худалдааны төвүүдэд хонины мах кг 16781 төгрөг, үхрийн мах кг 20686 төгрөг, ямааны мах кг 12151, сонгино кг нь 4216 төгрөгийн үнэтэй байна. Үүнээс гадна нэгдүгээр зэргийн гурил кг нь 2443 төгрөг, сүү /задгай, литр/ 4759 төгрөг, элсэн чихэр кг нь 4952 төгрөг, цагаан будаа кг нь 4798, дотоодын төмс кг нь 2843 төгрөгөөр тус тус худалдаалж байна.

Аймгийн төвүүдэд зарагдаж байгаа гол нэрийн зарим хүнсний бүтээгдэхүүний үнийг мэдээллийг 2025 оны наймдугаар сарын 25-ны өдрийн байдлаар хонины мах кг нь 13611 төгрөг, үхрийн мах кг 17769 төгрөг, ямааны мах кг 11514 төгрөгөөр тус тус худалдаалж байна. Мөн нэгдүгээр зэргийн гурил кг 2660 төгрөг, сүү /задгай, литр/ 3272 төгрөг, элсэн чихэр кг 4239 төгрөг, цагаан будаа кг 4078 төгрөгийн үнэтэй байгаа аж. Харин аймгийн төвүүдэд АИ-92 /литр/ 2783 төгрөг, А-80 /литр/ 2648 төгрөг, дизелийн түлш /литр/ 3186 төгрөгийн үнэтэй байна. Энэ нь өмнөх долоо хоногоос 0.1 хувиар буурч, өмнөх сараас 0.7 хувиар өссөн аж.
Үндэсний статистикийн хорооны гаргасан гол нэрийн зарим бараа бүтээгдэхүүний үнэ хөдөө орон нутагт харьцангуй бага үнэтэй буюу 700-2000 төгрөгийн зөрүүтэй худалдаалагдаж байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ