Хүүхэд скүүтер, мопед унахыг хориглож, аппликейшнээр хянана

Насанд хүрээгүй хүүхдүүд скүүтер, мопед, суррон, мотоцикл унаж яваад аваар осолд өртөж буй хэрэг зөрчил нэмэгдэж байгаатай холбоотойгоор Нийслэлийн гэмт хэргээс урьдчилан сэргийлэх ажлыг зохицуулах салбар зөвлөл, Замын хөдөлгөөний удирдлагын төв, Тээврийн цагдаагийн албаны холбогдох албан тушаалтнууд скүүтер, мопедын чиглэлээр үйлчилгээ эрхлэгч аж ахуй нэгж байгууллагуудын удирдлагуудтай уулзлаа. Уулзалтаар насанд хүрээгүй хүүхдийгунуулж, зам тээврийн осолд өртөхөөс сэргийлэх нь нэн чухал байгаа талаар санал солилцов. Энэ хүрээнд насанд хүрээгүй хүүхэд дээрх хэрэгслүүдийг унахыг хориглож, аппликейшнээр хөгжүүлэлт хийн хянаж, скүүтер, мопедын зөв ашиглалт талаар сургалт, сурталчилгааны ажлыг зохион байгуулах тухайд талууд санал нэгдэв.

Мөн хөдөлгөөнд саад учруулсан, зөвшөөрөгдсөн зогсоолд байрлуулаагүй скүүтер, мопедыг зөөж шилжүүлэх, ачиж журамлах арга хэмжээ авах үйлчилгээг боловсронгуй болгох талаар хэлэлцлээ