А.Урангоо: Нийтийн өмчийн талбайг татварын мөнгөөр биш, хувийн компаниуд үлгэр жишээ тохижуулаад өгнө

Өнгөрсөн долоо хоногт Хотын дарга Х.Нямбаатар Ард кино театрын ногоон байгууламжийн талбайг нийтийн эзэмшилд авахаа мэдэгдсэн. Энэ байршил нь 1965 оноос хойш соёлын өмчид бүртгээгүй, хувьд шилжсэн.

Энэ талаар А.Урангоо өөрийн байр сууриа илэрхийллээ. Тэрээр "Ард кино театрын актлагдсан барилга улс төрийнхний тоглоом, анхаарлыг авах сэдэв, олонд таалагдах нэг арга, ардчилал, өмч хувьчлалыг үгүйсгэсэн сэдэв. Сосорбарам гуай 2021 онд худалдсан, тэр хүнтэй энэ барилга хамааралгүй болсон. 25 давхар санхүүгийн төв босно, кино театр хэвээрээ, нийтийн өмчийн талбайг татварын мөнгөөр биш, бид хувийн компанийн зардлаар үлгэр жишээ тохижуулаад өгнө. Зэргэлдээ айлуудын байрны үнэ өснө, Чингэлтэй дүүрэг санхүүгийн бүс болно. 60 жил орхиж, хувьд шилжээд 20 гаруй жил, төсөл болоод 5 жил, актлагдаад 15 жил болсон. Дахин сэргэхгүй, хүн орох аргагүй болсны дараа соёлын өвд бүртгэхээр болжээ. А даалгаврыг маань цуцлах бичиг ирсэн. Тэд хувийн хэвшилтэйгээ хамтран сэргээж сайжруулах уулзалт хийхийн оронд зөвхөн олон нийтэд таалагдах гоё видеонууд хийж байна. Битүү шээс баас, архины шил, нуранги, хөгцрөлт байгаа. Хэд дамжсан хувь хүний хөрөнгө шүү дээ. Нураагаад кино театртай хосолсон консептоор маань бариулж хамтран ажилсан нь дээр шүү нийслэлийн удирдлагуудаа" гэлээ.