Бороо орсноор дөрвөн газар аюултай үзэгдлийн хэмжээнд хүрчээ

Сэлэнгэ, Дархан, Төв аймаг, Нийслэл Улаанбаатар хот орчмоор 30-54 мм бороо орж аюултай үзэгдлийн хэмжээнд хүрсэн гэдгийг цаг уурын байгууллагаас мэдээллээ. Хур тунадасны хувьд, өнгөрсөн хоногт баруун аймгуудын нутгийн зарим газар, төв, говь, зүүн аймгуудын ихэнх нутгаар 0-54 мм бороо, дуу цахилгаантай аадар бороо орсон байна. Үүнээс хоногийн нийлбэрээр хамгийн их нь Сэлэнгийн Мандалд 54 мм, Баянгол 48 мм, Сүхбаатар 38 мм, Бугант 36 мм, Хүдэр 35 мм, Ерөө, Хушаат 33 мм, Дарханы Шарын голд 48 мм, Орхон 39 мм, Хонгор, Дархан, 30 мм, Төв аймгийн Борнуур 49 мм, Лүн 44.5 мм, Жаргалант, 43 мм, Батсүмбэр 38 мм, Аргалант 35 мм, Угтаалцайдам 33.4 мм, Баян-Өнжүүл 33 мм, Баянчандмань 30 мм, Өндөрширээт 29 мм, Эрдэнэ 28 мм, Өмнөговийн Даланзадгад 34 мм, нийслэлийн Баянзүрх дүүрэгт 43 мм, Налайх дүүрэгт 35 мм, Сүхбаатар дүүрэгт 32 мм, Хан-Уул дүүрэгт 30.9 мм, Сонгинохайрхан дүүрэгт 28 мм, Дорнодын Чойбалсанд 27 мм, бусад нутгаар 0-26 мм бороо орсон байна.

Өнөөдөр өдөртөө энэ процессийн зүүн хэсэг Монголын нутгаас бараг гарч байна. Процессийн хойноос тонгойж буй хэсгээс Баруун аймгуудын нутгийн зүүн хойд, төвийн аймгуудын нутгийн зарим газар, зүүн аймгуудын нутгийн хойд болон зүүн хэсгээр бороо, дуу цахилгаантай аадар бороо, мөндөр орно.