Х.Бат-Ялалт, Г.Одмаа нарын хэргийг шалгаж эхэлжээ

ТҮЦ эрхлэгч 100 гаруй иргэнээс тус бүр 1 сая төгрөг авсан Х.Бат-Ялалт, Г.Одмаа нарын хэргийг шалгаж эхэлжээ. Х.Бат-Ялалт, Г.Одмаа, н.Урантөгс, н.Уранчимэг нар ТҮЦ ажиллуулж байсан 100 гаруй иргэнээс тус бүр 1 сая төгрөг авчээ. Уг хэргийг цагдаагийн байгууллагаас шалгаж эхэлсэн байна.

Тодруулбал, ТҮЦ нүүлгэж, явган хүний зам талбай чөлөөлөхийг хамгийн их эсэргүүцэж байгаа хүмүүсийн нэг бол Х.Бат-Ялалт, Г.Одмаа нар юм. Тэд нүүлгээд байгаа ТҮЦ-үүдийг дахин авчирч, байрлуулах ажлыг хийдэг аж. Хамгийн сүүлд “ТҮЦ-ийг нь буцааж авчирч, хуучин байрлалд нь тавьж өгнө” гээд 100 гаруй иргэнээс тус бүр 1 сая төгрөг авсныг цагдаагийн байгууллагаас шалгаж эхэлсэн байна.