Үхрийн мах өмнөх оноос 9.2 хувиар өсжээ

Улаанбаатар хотын инфляцын түвшин буюу хэрэглээний бараа, үйлчилгээний үнийн индекс 2024 оны долоодугаар сард 4.4 хувь байжээ. Харин энэ оны өнгөрсөн сард 9.3 хувь болж, өсөлтийн хурдац 2024 оны мөн үеийнхээс 4.9 нэгж хувиар нэмэгджээ. Нийслэлийн инфляцад бензин, түлшнээс бусад импортын барааны үнэ 1.5 нэгж хувь, мах, хатуу түлшнээс бусад дотоодын барааны үнэ 6.5 нэгж хувиар нөлөөлсөн аж.

Улаанбаатар хотод хэрэглээний сагсны 418 нэрийн бараа, үйлчилгээнээс 88 бараа, үйлчилгээний үнэ өмнөх сарынхаас өсөж, 35 бараа, үйлчилгээний үнэ буурчээ. Харин 295 бараа, үйлчилгээний үнэ өөрчлөгдсөнгүй. Худалдаалж буй үхрийн цул 1 кг махны дундаж үнэ энэ оны 7 дугаар сард 24586 төгрөг болжээ. Энэ 2023 оны долоодугаар сарынхаас 13.4 хувиар, 2024 оны долоодугаар сарынхаас 19.2 хувиар өсжээ.

Харин 1-р зэргийн гурилын дундаж үнэ энэ оны дугаар сард 2366 төгрөг болжээ. Энэ нь 2023 оны 7 дугаар сараас 1.1 хувиар, 2024 оны 7 дугаар сарынхаас 4.2 хувиар тус тус буурчээ.