Улаанбурхан өвчний халдвар авсан хоёр хүний биеийн байдал хүнд байна

Халдварт өвчин судлалын үндэсний төвөөс улаанбурхан өвчний нөхцөл байдлын талаар танилцууллаа. Өнөөдөр буюу наймдугаар сарын 8-д нийт батлагдсан тохиолдол 13178 болжээ. Эмнэлэгт хэвтэн эмчлүүлж байгаа 61 хүн байна.

Хөнгөн – 9

Дунд – 50

Хүнд – 2 нөхцөл байдалтай байна.

Нийт нөхцөл байдлын хувьд эдгэрсэн 13067, гэрээр эмчлүүлж буй 40, нас барсан 10 байна. Харин хавьтал болсон нийт 96710 хүн байгаа аж. Насны бүлгээр 0-4 насны 2928, 5-9 насны 1698, 10-14 насны 4994 хүүхэд улаанбурхан өвчнөөр өвджээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Тус өвчнөөс урьдчилан сэргийлэх хамгийн үр дүнтэй арга бол хоёр тунт вакцин тул иргэдийг дархлаажуулалтад хамрагдахыг албаныхан уриалж байна.

Хүүхдэд 9 сартай, 2 настайд улаанбурхан өвчнөөс сэргийлэх вакциныг хоёр удаа хийдэг. Вакциныг хугацаанд нь тариулаагүй бол өөрт ойр байрлах өрх, сумын эмнэлэг, дүүргийн эрүүл мэндийн төвд хандан, харьяа өрх сумын эрүүл мэндийн төвдөө хандан улаанбурхан улаануудын эсрэг вакцинд хамрагдах боломжтой.

Тодруулах, лавлах зүйл байвал 72224444, 100, 109 утсанд хандан лавлах боломжтой