Энэ хичээлийн жилээс малчны нэг хүүхэд үнэ төлбөргүй сурна

Ирэх сараас эхлэн 10-аас доошгүй жил мал малласан айлын нэг хүүхдийг төрийн өмчийн их сургуульд үнэ төлбөргүй сургаж  эхэлнэ.  УИХ-аас баталсан Малчны тухай хуулийн 4.2.5-т “ 10-аас доошгүй жил тасралтгүй малчнаар ажилласан малчны нэг хүүхдийг мал аж ахуй, бэлчээр, тэжээлийн чиглэлээр үнэ төлбөргүй сургана” гэж заасан байдаг. Энэхүү хуулийн зохицуулалт ирэх сараас хэрэгжих бөгөөд улсын хэмжээнд хэчнээн малчны хүүхэд их сургуульд үнэ төлбөргүй суралцах вэ гэдэг судалгааг Боловсролын яам хийж байна. Харин санхүүжилтийн эх үүсвэрийг Боловсролын зээлийн санд тусгаж өгсөн тул асуудал үүсэхгүй. Ингэхдээ Хөдөө аж ахуйн их сургуульд малчны хүүхэд үнэ төлбөргүй суралцах юм.