"Эрдэнэт медикал” эмнэлгийг хавдрын оношилгоо, эмчилгээний дэд төв болгоно

Засгийн газрын өнөөдрийн /2025.08.06/ ээлжит хуралдаанаар “Эрдэнэт үйлдвэр” ТӨҮГ-ын “Эрдэнэт медикал” эмнэлгийг хойд бүсийн хавдрын оношилгоо, эмчилгээний дэд төв болгох шийдвэр гаргалаа. 

• Жил бүр 50 мянга орчим иргэн хавдрын оношилгоо эмчилгээг цаг алдалгүй хийлгэх боломжтой болно.
• Хавдар судлалын үндэсний төвийн ачаалал буурна.
• “Эрдэнэт медикал” эмнэлэг 2022-2025 онд 147,476 хүнд тусламж үйлчилгээ үзүүлж, 3551 хүн хэвтэн эмчлүүлжээ.

Засгийн газрын (ЗГ) ээлжит хуралдаан өнөөдөр (2025.08.06) 08:00 цагт эхэллээ. Энэхүү хуралдаанаар биржийн болон зах зээлийн үнийн эх сурвалжийн нэр зарлах тухай ЗГ-ын тогтоолын хавсралтад өөрчлөлт оруулах тухай тогтоолын төсөл,  “Түгээмэл тархацтай ашигт малтмал хайх, ашиглах талбайн солбицлыг батлах, эрх олгох тухай” Засгийн газрын тогтоолын төсөл болон  жижиг дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журамд нэмэлт оруулах тухай ЗГ-ын тогтоолын төслийг хэлэлцэх юм. Мөн “Эрдэнэт Медикал” эмнэлгийн талаар авах арга хэмжээний тухай” ЗГ-ын тогтоолын төсөл болон бусад асуудлыг хэлэлцэнэ.