Модон барилдааны ДАШТ-д 300 гаруй тамирчин оролцож байна

Мас-рестлинг буюу модон барилдааны долоо дахь удаагийн дэлхийн аварга шалгаруулах тэмцээн эхэллээ. Тус тэмцээнд дэлхийн 33 орны 300 гаруй тамирчин ARA complex-д цугларч, өрсөлдөж байна.  

Тэмцээнд  Ангол, Египет, Гана, Замби, Камерун, Конго, Кот-д’Ивуар, Марокко, Нигери, Сьерра-Леоне, Сомали, Азербайжан, Бангладеш, Гүрж, Энэтхэг (хоёр бүрэлдэхүүнтэй), Казахстан, Киргистан, Монгол Улс, Нэгдсэн Арабын Эмират, Пакистан, Сири, Тажикстан, Туркменистан, Польш, Румын, Словак, Чех, Орос, Бразил, Канад, Мексик, АНУ-ын тамирчид оролцож байгаа юм. 

Тамирчид MAS Wrestling-ийн дэлхийн дэвжээнд улс орныхоо нэрийг өндөрт өргөх зорилгоор өрсөлдөж байгаа бөгөөд энэхүү тэмцээн нь спортын олон улсын хамтын ажиллагааг өргөжүүлэх, соёл хоорондын харилцааг дэмжих чухал үйл явдал болж байна.