Гангийн эрсдэлийн үнэлгээгээр дөрвөн аймаг их эрсдэлтэй гарчээ

Гангийн эрсдэлийн ерөнхий үнэлгээгээр Өвөрхангай, Баян-Өлгий, Өмнөговь, Ховд, Дорноговь их эрсдэлтэй гэж гарсан бол Увс, Завхан, Архангай, Говь-Алтай, Баянхонгор, Төв, Өвөрхангай, Дорнод, Өмнөговь, Дундговь, Дархан, Сэлэнгэ, Хэнтий аймгийг дунд эрсдэлтэй гэж үнэлжээ. Харин Булган, Хөвсгөл, Орхон аймгууд бага эрсдэлтэй байгаа ажээ. 21 аймгийн 330 сумын хэмжээнд маш их эрсдэлтэй 25 сум, их эрсдэлтэй 54 сум, дунд эрсдэлтэй 130 сум байна.

Засгийн газрын 2015 оны 286 дугаар тогтоолоор батлагдсан журам,  Шадар  сайдын  2021  оны 68  дугаар  тушаалаар батлагдсан “Ган, зудын эрсдэлийн үнэлгээ хийх заавар” болон олон улсад мөрдөгдөж байгаа гамшгийн эрсдэлийн ерөнхий үнэлгээний аргазүйн хүрээнд боловсруулсан асуумжийн дагуу гангийн эрсдэлийн түвшинг тодорхойлсон аж.

Гангийн үнэлгээг хийхдээ энэ оны зуны саруудын цаг агаарын урьдчилсан төлөв байдал, гангийн төлөв байдал статистик болон бусад мэдээлэлд тулгуурлан гүйцэтгэсэн байна.