Монголын баг хоёр алт, зургаан мөнгө, гурван хүрэл медаль хүртлээ

БНХАУ-ын Жухай хотод долоодугаар сарын 23-29-ний өдрүүдэд болсон өсвөрийн шатарчдын Зүүн Азийн аварга шалгаруулах тэмцээнд Монголын баг амжилттай оролцлоо. 

Тэмцээний стандарт ангилалд Монголын баг хоёр алт, зургаан мөнгө, гурван хүрэл медаль хүртлээ. Хөвгүүдийн U-16 насанд Г.Тэнүүндалай, охидын U-18 насанд Б.Хулан аваргын алтан медаль хүртэж, Зүүн Азийн аварга боллоо. Хөвгүүдийн U-16 насанд Г.Тэнүүндалай алтан медаль хүртэж, Зүүн Азийн аварга болсон бол U-18 насанд Х.Өлзийхишиг, U-8 насанд Э.Ивээлт нар мөнгө, U-10 насанд Д.Төгсбилгүүн хүрэл медаль хүртэж, медалийн тавцанд зогслоо. 

Охидын U-18 насанд Б.Хулан алт, U-14 насанд Н.Содгэрэлт, U-12 насанд И.Цэлмүүн, U-10 насанд С.Тэнүүнбуян, U-8 насанд Н.Аз-Эрдэнэ нар мөнгө, U-18 насанд Э.Хүслэн, U-12 Н.Энхрийлэн нар тус тус хүрэл медаль хүртсэн байна.