Зүүн Азийн аварга шалгаруулах тэмцээнд Монгол Улсаас 50 тамирчин оролцож байна

Зүүн Азийн аварга шалгаруулах “Жухай 2025” шатрын тэмцээн БНХАУ-ын Гуандун мужийн Жухай хотод болж байна. Монгол Улсаас 50 шилдэг тамирчин оролцож байгаа бөгөөд “Эй Би Чесс” академийн мэргэжлийн ангийн дараах суралцагчид эх орноо төлөөлөн амжилттай оролцож байгаа юм.  

Өсвөрийн шатарчдын Зүүн Азийн аварга шалгаруулах тэмцээн ес дэх удаагаа стандарт, түргэн, түргэвчилсэн гэсэн гурван төрлөөр зохион байгуулагдаж байгаа билээ. Тус тэмцээнд 14 орны 455 өсвөрийн шатарчид 8, 10, 12, 14, 16, 18 хүртэлх насны охид, хөвгүүдийн 12 насны ангилалд оюун ухаанаа сорин ангилал тус бүрдээ Зүүн Азийн аваргын титэм болон “WCM”, “WFM”, “WIM”, “CM”, “FM”, “IM” цол хүртэхийн төлөө өрсөлдөнө.

·         2023 оны Зүүн Азийн аварга “ФМ” Х.Өлзийхишиг.

·         Өсвөр үеийн Монгол Улсын аварга шатарчин Т.Тодмөнх.

·         Өсвөр үеийн Монгол Улсын аварга шатарчин Д.Төгсбилгүүн нар өнөөдрийн тоглолтод өрсөлдөж байна.