П.Мөрөн “Цагаан арслан” цомын эзэн боллоо

15 дахь удаагийн “Торгоны зам” авто уралдааны мотоциклийн ангилалд Монгол Улсын тамирчин П.Мөрөн түрүүлж, “Цагаан арслан” цомын эзэн боллоо.  Тэрээр өнгөрсөн жил хоёрдугаар байр эзэлж байсан бол энэ жил амжилтаа ахиулж аваргын цомыг хүртсэн байна.  П.Мөрөн “Motor Rally 450” ангилалд “KTM 450 Rally replica” загварын мотоциклоор оролцохдоо 32:48.18 цагийн амжилтыг үзүүлжээ.

11 өдрийн турш ОХУ болон Монгол улсын нутаг дэвсгэрт нийт 4811 км замыг туулсан тус уралдаанд 12 орны 837 хүн 306 автомашин, мотоцикл оролцсон юм.