Н.Золбоо: Хонгор нутгаас 76 жилийн дараа Монгол Улсын арслан төрлөө

Монгол Улсын үнэн зоригт харцага Н.Золбоо "Ардын хувьсгалын 104 жилийн ойн наадам сайхан боллоо. Баянхонгор аймгаас 1949 оноос хойш төрийн наадамд түрүү бөх тодроогүй байсан. 76 жилийн дараа Монгол Улсын арслан цолтон төрлөө. Тусалж дэмжсэн бүх хүмүүстээ баярлалаа. Энэ сайхан хүүхдийг төрүүлж өсгөсөн аав, ээж, хань, дэмждэг компани, Баянхонгорчууд, Монгол бөхөө хайрладаг, шимтэн үздэг түмэн олондоо баярлалаа. Тэргүүн Богд дэвжээний хамт олны минь бэлтгэл сургуулилт сайн байсан. Э.Батмагнайгийн барилдаан бүрийнх нь өмнө өрсөлдөгч бөхчүүдтэй барилдах тактикийг боловсруулж, зааж зөвлөсөн. Үзүүр түрүүнд хоёр дүү маань хоорондоо хүч үзлээ. Нэгдэл клубын тамирчин, аймгийн хурц арслан Н.Өсөхбаяр маань сайхан барилдаж үзүүрлэлээ. 1998, 2000 оны төлөөллүүд сайхан барилдлаа. Хоёр аварга маань сайхан барилдаж их шөвөгт шалгарлаа" гэв.