Х.Мягмарсүрэн: Аавынхаа нэрийг дуудуулж барилдах сайхан

 Д.Хадбаатар аваргын хүү аймгийн өсөх, өрнөх начин Х.Мягмарсүрэн "Сайн барилдсан ч, саар барилдсан ч аавынхаа нэрийг дуудуулаад, үндэсний том өв соёлоо үргэлжлүүлэн удмаа дагаад барилдаад явж байгаа нь хамгийн сайхан. Үндэсний их баяр наадмаар бяртай, хүчтэй арсланд амлуулж харгүй сайхан барилдлаа. Санасандаа хүрч чадаагүйдээ жаахан гунигтай байна. Гэхдээ яах вэ, нэг л өдөр улсын том цолонд хүрнэ гэж итгэдэг. Ой зургаан сартайдаа ааваасаа үлдэж байсан болохоор дурсамж байхгүй ч аавынхаа залгамж халаа болоод явж байна. Хүүгээ барилдах үед сайхан дэмжээд дээрээс хардаг байх даа гэж залбирч, бодож, тэмүүлж барилддаг даа. Өөрийн нэрийн өмнө  аавынхаа нэрийг дуудуулж барилдах нь юугаар ч илэрхийлэхийн аргагүй сайхан мэдрэмж юм" гэлээ.