​Бага насны хүүхдүүд галт зэвсгээр тоглон сум алдаж, нэгнээ гэмтээжээ

Бага насны хүүхдүүд галт зэвсгээр тоглон сум алдаж, нэгнээ гэмтээсэн хэрэг Завхан аймагт бүртгэгджээ. Тодруулбал, таван настай хүүхэд гэртээ байсан галт зэвсгээр тоглож байгаад долоон настай хүүхдийн зүүн хөлийн шагай хэсэгт буудаж гэмтэл учруулсан байна. Тус хэргийг цагдаагийн байгууллага шалгаж байгаа аж. Тиймээс эзэмшиж буй галт зэвсгээ бага насны хүүхдийн гар хүрэхгүй хэсэгт байрлуулж, аюулгүй байдлыг нь хангахыг Цагдаагийн байгууллагаас анхаарууллаа.