Өвөрхангай, Багануур дүүрэгт амжилттай барилдсан бөхчүүдийн цолыг хүчингүйд тооцно

Ирэх сарын 07-оос эхэлж аймгууд наадмаа тэмдэглэнэ. Энэ жилийн наадмаар МҮДЭТ-өөс  20 аймаг, хоёр дүүргийн шөвгийн дөрвөн бөхөөс допингийн шинжилгээ авахаар болжээ. Учир нь Өвөрхангай, Багануур дүүрэг шинжилгээ өгөхөөс татгалзсан байна. Өвөрхангай, Багануур дүүрэгт амжилттай барилдсан бөхчүүдийн цол чимэг хүчингүй болно. 

2023 онд Үндэсний их баяр наадмын хуулинд өөрчлөлт орж 25 хэмээх заалт энэ оноос хэрэгжиж эхэлж байгаа юм. Ингээд аймгийн чанартай наадмын шөвгийн дөрвөн бөхөөс  допингийн шинжилгээ авахаар болсон. Тиймээс 21 аймаг, 3 дүүрэг, Бүх цэргийн наадмаас шинжилгээ авах заалттай. Энэ хуулийн хүрээнд энэ сарын 6-нд зохион байгуулагдсан Бүх цэргийн наадмаар найман бөхөөс шинжилгээ авсан.