Улсын харцага Т.Өсөх-Ирээдүйн 8 баримт

1. Нэгэн цагт түмэн олныг уран мэхээрээ цэнгүүлж, өнөө цагт бөхийн спортод олон шавь бэлдэж байгаа Т.Өсөх-Ирээдүй харцага Сэлэнгэ аймгийн Орхонтуул суманд 1981 оны зургаадугаар сарын 25-нд мэндэлжээ.

2. 2002 онд Сэлэнгэ аймгийн баяр наадамд аймгийн арслан Г.Дамдинхүүгээр долоо даван түрүүлж  Аймгийн арслан  цол хүртсэн.

3. 14 жилийн өмнө Ардын хувьсгалын 90 жилийн ойгоор Монгол Улсын харцага цол хүртсэн. 

4. "Таван Хан" дэвжээ, "Алдар спорт хорооны үндэсний бөхийн  дасгалжуулагчаар ажиллаж байна. 

5. 2014 онд "Үндэсний бөхийн уламжлал, шинэчлэл" сэдвээр магистрын зэрэг хамгаалжээ. 

6. Аав ээж талаасаа бөхийн удамтай. Аавынх нь талд цэргийн заан Б.Сосорбарам, ээжийнх нь талд улсын начин Ч.Цэрэндорж гэж бөх бий. 

7. Өмнө жил төрийн наадамд одтой сайхан барилдаж үзүүрлэсэн Монгол Улсын арслан Б.Орхон баяр түүний шавь. 

8. Тэрээр сүүлийн жилүүдэд мэдлэг, туршлага дээрээ суурилж  шууд дамжуулалтын телевизээр үндэсний бөхийн барилдааныг  тайлбарлаж байгаа юм.